廚房裝修全攻略:開放式定傳統式?一文睇晒優缺點

廚房裝修可以話係全屋入面最複雜嘅部分,水、電、煤、通風、去水,樣樣都要計清楚。今次同大家分享廚房裝修嘅關鍵決策。

開放式廚房 vs 傳統獨立廚房

呢個係每個業主都會問嘅問題,等我同你客觀分析:

開放式廚房

優點:

• 空間感大增:拆走牆身後,客飯廳同廚房融為一體,視覺上即刻大咗
• 社交性強:煮飯時可以同家人朋友互動,唔使自閉喺廚房
• 採光好:廚房窗嘅自然光可以進入客廳
• 時尚感:開放式廚房係現代設計嘅標誌

缺點:

• 油煙問題:中式煮食油煙大,就算有好勁嘅抽油煙機都未必100%隔到
• 雜亂外露:碗碗碟碟一亂,成個廳都睇到
• 氣味擴散:煮咖哩、煎魚,全屋都聞到
• 消防條例:某啲大廈唔畀做開放式廚房(尤其係公屋居屋),一定要先確認

傳統獨立廚房

優點:

• 油煙隔離:有門分隔,唔影響客廳
• 隱私性高:廚房亂少少都冇人知
• 冇消防限制:大廈公契通常都容許

缺點:

• 空間感較差,尤其係納米樓
• 煮飯時同家人隔絕

折衷方案:半開放式廚房

我哋近年做最多嘅係半開放式廚房:用玻璃趟門、折叠窗或者吧枱做分隔。平時打開就係開放式,煮重油煙嘢時閂埋就得,兩全其美!

櫥櫃設計黃金法則

• 工作三角形:雪櫃、鋅盤、煮食爐三個點嘅距離加埋應該喺 3.6m - 6.6m 之間,咁樣煮食動線最順
• 枱面高度:一般 850-900mm,但最好因應屋企人嘅身高訂造
• 不銹鋼背板:爐頭後面牆身用不銹鋼板,易清潔又美觀,我哋好多客人都話係最明智嘅決定
• 櫃底燈:吊櫃下面一定要加 LED 燈帶,切菜唔會俾自己個影遮住

石英石 vs 不銹鋼枱面

而家9成客人都揀石英石,因為佢硬度高、唔吸色、易清潔、款式多。不銹鋼就適合商業廚房或者工業風設計,不過容易有花痕。

無論你想做咩類型嘅廚房,我哋都可以幫你設計同施工。WhatsApp 9193 1857,約免費上門度尺傾下!